MFA (Multi-Factor Authentication) – კომპანიის მონაცემების მრავალშრიანი დაცვა

საყოველთაოდ მიღებული პრაქტიკაა, რომ კომპანიები კიბერუსაფრთხოების გაუმჯობესების მიზნით, ხშირად მოუწოდებენ თავიანთ თანამშრომლებს,  რაც შეიძლება ძლიერი პაროლი დააყენონ შიდა სისტემაში შესასვლელად, თუმცა თანამედროვე სამყაროში, კიბერთავდასხმების სიმძლავრემ და მოქნილობამ დამატებითი ზომების მიღების აუცილებლობა შექმნა.

სწორედ ამ გამოწვევების საპასუხოდ, კიბერუსაფრთხოების ერთ-ერთი ყველაზე ეფექტური და ფუნდამენტური მიდგომა არის მრავალფაქტორიანი აუტენთიფიკაცია (MFA – Multi-Factor Authentication).

რა არის MFA და რატომ არის ის აუცილებელი?

MFA არის უსაფრთხოების სისტემა, რომელიც მომხმარებლის იდენტობის დასადასტურებლად მოითხოვს ორ ან მეტ სხვადასხვა ტიპის ვალიდაციას, ერთის ნაცვლად. შესაბამისად მარტივი პაროლის შეყვანა უკვე აღარ არის საკმარისი, რადგან პაროლები ადვილად შეიძლება მოიპარონ, გატეხონ ან გამოიცნონ. სწორედ MFA სისტემები ქმნის დაცვის დამატებით შრეს, რაც კიბერდამნაშავეებს დამატებით პრობლემებს უქმნის.

MFA-ის  სამი ძირითადი კატეგორია არსებობს:

1. ის, რაც იცით: პაროლი, PIN კოდი, უსაფრთხოების კითხვარი.

2. ის, რასაც ფლობთ: ფიზიკური ტოკენი, სმარტფონი, USB დისკი.

3. ის, ვინც ხართ: ბიომეტრიული მონაცემები, თითის ანაბეჭდი, სახის ამომცნობი ან ხმის იდენტიფიკაცია.

მაგალითად, MFA სისტემა შეიძლება მოითხოვდეს მომხმარებლისგან პაროლის შეყვანას (ის, რაც იცით) და შემდეგ მის მიერ სმარტფონზე მიღებული კოდის მითითებას (ის, რაც გაქვთ). ამ ორი ფაქტორის გარეშე, სისტემაში შესვლა შეუძლებელია, რაც მნიშვნელოვნად ამცირებს კიბერშეტევის რისკს, თუნდაც პაროლი მოპარული იყოს.

MFA-ის უპირატესობები ბიზნესისთვის

• გაძლიერებული უსაფრთხოება: MFA მკვეთრად ამცირებს პაროლთან დაკავშირებული შეტევების (მაგალითად, ფიშინგი, Brute-force) რისკებს.

• რეგულაციებთან შესაბამისობა: ბევრი ინდუსტრიული და სამთავრობო რეგულაცია (მაგ., GDPR, NIST) მოითხოვს MFA-ის დანერგვას სენსიტიური მონაცემების დასაცავად.

• მონაცემთა დაცვა: MFA უზრუნველყოფს, რომ არასანქცირებული პირები ვერ მიიღებენ წვდომას კომპანიის კრიტიკულ მონაცემებზე.

• თანამშრომლის დაცვა: სისტემა იცავს თანამშრომლის ანგარიშებსა და პერსონალურ ინფორმაციას, რაც ზრდის ნდობას და უსაფრთხოების კულტურას კომპანიაში.

ლაბ ტექნოლოჯის როლი MFA-ის დანერგვაში

ლაბ ტექნოლოჯი, როგორც სანდო IT პარტნიორი, გთავაზობთ მრავალფაქტორიანი ავთენტიფიკაციის მოწინავე გადაწყვეტილებებს, რომლებიც მორგებულია თქვენი ბიზნესის სპეციფიკურ საჭიროებებზე. ჩვენ ამ მიმართულებით ვთანამშრომლობთ ისეთ მსოფლიო ბრენდებთან, როგორიცაა ESET და Cisco.

ESET-ის MFA გადაწყვეტილებები გამოირჩევა მარტივი დანერგვითა და გამოყენებით, რაც მას იდეალურს ხდის ნებისმიერი ზომის ბიზნესისთვის. 

Cisco-ს სისტემები კი უზრუნველყოფს უმაღლესი დონის უსაფრთხოებას, სრულყოფილ ინტეგრაციას ქსელურ ინფრასტრუქტურასთან და მოქნილ მართვას.

ჩვენი გუნდი მზად არის, დაგეხმაროთ თქვენთვის საუკეთესო MFA გადაწყვეტილების შერჩევაში, დანერგვაში და სრულ მხარდაჭერაში, რათა თქვენი ბიზნესის მონაცემები იყოს უსაფრთხო.

დაგვიკავშირდით დღესვე, რათა დავიწყოთ თქვენი კომპანიის მონაცემების, მრავალშრიანი დაცვა.